Celebrarase unha conferencia co título “O futuro do tren de cercanías en Galicia”, coa intervención de Manuel Jesús Amenedo Otero, Enxeñeiro Técnico de Obras Públicas, Fernado Gómez Camarero, Coordinador Xeral de Salva O Tren, e Lucía Latorre Búa, portavoz de Salva O Tren, na se presentará un estudo sobre o servizo ferroviario de proximidades en Galicia, realizado recentemente polo colectivo radicado en Portas.
Con este acto, as entidades organizadoras pretenden contribuír á sensibilización cidadá sobre a necesidade de un servizo ferroviario de proximidades en Galicia.

Organiza:

Plataforma Salva o Tren
Plataforma Cidadá Contra a Autovía de Redondela
Asociación Alén Nós,

A Campaña de Mobilidade “Por unha mobilidade efectiva: En Vigo non pode esperar
mais” realizada de Octubro a Decembro de 2009, levou a cabo unha exposición
itinerante por 6 Asociacións de Veciños da cidade, 12 encontros veciñais vinculados
coas propostas da exposición, e finalmente tres Xornadas de Debate: “A Mobilidade
dende as Administracións: Xunta e Concellos”, “a Mobilidade dende os axentes
Sociales: Sindicatos, Movementos Ecoloxistas, Movemento Veciñal” e “Mobilidade
Metropolitana”

1. EVIDENCIA DO PROBLEMA SOCIO-ECONÓMICO

O noso estudio evidencia como por un lado a necesidade da Mobilidade
Pública se incrementa, mentres a Oferta se empobrece e se degrada:
• Os dados da Policía Local informan da circulación de 300.000 vehículos/dia, dos
que 140.000 proceden do rural de Vigo e dos Concellos da Periferia.
• O Informe do Valedor do Cidadán e outros Estudios Metropolitanos explican
como os sectores mais xoves da Sociedade se ubican en Cidades Dormitorio da
Ärea Metropolitana xerando importantes desprazamentos en sentido contrario na
precura de Emprego, Saúde, Ensino ou Comercio.
• A Xunta de Galicia conclúe, que un 17% das Viaxes en Vigo se realizan en
Transporte público, mentres que tan só 4% no entorno Metropolitano.
• Isto acontece no contexto dunha Cidade que reduce os espazos para a
Circulación de Vehículos e os Estacionamentos en Superficie , mentres encarece
sensiblemente a oferta de Estacionamentos e Concesión
• Todo elo evidencia a baixa calidade da Oferta que disuade á Demanda e o
fracaso dos Modelos de Transporte Público en vigor.

2. DESGLOSE DO PROBLEMA ESTRUCTURAL

A estrutura actual das Liñas Urbanas, é a responsable de:
• A Fraxilidade do sistema, que se paraliza frente a calquera evento no Centro.
• Os retardos que sufre o Servizo ás horas punta de cada día.
• O Efecto Acordeón, que acumula os vehículos nos tramos mais conxestionados
do circuíto
• A irregularidade das secuencias que provoca o paso das liñas á mesma hora.
• A baixa Velocidade Comercial, que consume recursos e disuade ós usuarios.
• Baixas frecuencias na periferia, núcleos de poboación sen servizo, son elementos
disuasorios
• Sistemas precarios de Información dificultan o coñecemento das posibilidades de
desplazamento e Transbordo

Pola súa Banda, os Servizos Interurbanos sofren similares problemas:

• Circulan por Vías conxestionadas, consumindo enormes recursos en atravesar o
Centro de Vigo sen rendemento Comercial algún.
• Coinciden neses circuítos coas Liñas de Transporte Urbano sen prestar un
Servizo de reforzo do mesmo.
• A duración das viaxes, a falta de cobertura en orixen e as frecuencias ofertadas,
disuaden un amplo sector de usuarios potenciais
Incentivos dos Usuarios Sistemáticos
• O servizo Interurbano carece de Subvención de ningún tipo.
• A subvención do Servizo Urbaño asúmeo por completo o Concello de Vigo, e
aplícase a todos os pasaxeiros independentemente da súa procedencia.
• Ambolos dous carecen de Intermodalidade.
• Non se aplican Bonificacións ós pagos anuais ou mensuais.
• As Tarifas Sociais deberían ser melloradas en todos os segmentos

3. AS PROPOSTAS DO MOVEMENTO VECIÑAL

O MOVEMENTO VECIÑAL DETECTA QUE:

• E necesario incentivar a Demanda que xustifique maiores inversións para
mellora da Oferta.
• E necesario mellorar a oferta para incentivar a Demanda.
• O Contrato de Vitrasa limita o número de vehículos en servizo e os Km
recorridos permitindo só actuacións moi limitadas na mellora do Servizo.
• O Concello carece de recursos para financiar a mellora, mentres que en
solitario se empeña na subvención de todos os usuarios, residentes ou non
na Cidade de Vigo.

A MOVEMENTO VECIÑAL PROPÓN:

1. Revisión do modelo de transporte urbán, limitando as liñas transversais
que cruzan polo centro da cidade, segregando as liñas que atravesan a
cidade, promovendo o trasbordo, creación de liñas circulares centro e
lanzadeiras con cabeceira nos intercambiadores, creación de liñas de
parroquia que interconecten esta e dean acceso ás liñas principais.

2. Optimización e coordinacións dos actuais recursos Urbanos e
Metropolitanos, mellorando os trazados, a frecuencia, a velocidade
comercial e o intercambio de pasaxeiros.

3. Creación de Centros Intercambiadores principais e Aparcamentos
Disuasorios, así como acondicionamento das paradas para incentivar o
uso do transporte colectivo a nivel Urbano e Metropolitano.

4. Implantación do Consorcio de Transportes Metropolitano para
armonizar os intereses de todas as Concesionarias.

5. Potenciación do Transporte de Ría e o Ferroviario de Proximidade.

6. Potenciación da Mobilidade Alternativa, particularmente nos trazados
que manteñan a mesma cota (beira do mar, etc).

7. Sinatura do Convenio coa Xunta de Galicia para implantación do Plan
de Transporte Metropolitano de Galicia, e aplicación das subvencións
Autonómicas na mellora da Rede de Transporte Público.

• Tarifas subvencionadas en todos os segmentos
• Bonificacións de Pasaxeiros Sistemáticos
• Intermodalidade e Transbordos ilimitados

8. Realización dunha campaña de promoción do transporte colectivo para
toda a poboación, así como mellorar os mecanismos de información
existentes e a denominación das liñas.

A FAVEC recibe con satisfacción a presentación do avance da Folla de Ruta do Plan Integral de Transporte, pero considera imprescindible o debate e enriquecimento da Comisión Sectorial de Transportes do Concello de Vigo así como que contemple a introdución do transporte metropolitano

O movemento veciñal ven realizando dende outubro unha campaña denominada “Por unha mobilidade efectiva, en Vigo non imos esperar mais”. A partir desta campaña, na que participaron as asociacións veciñais das distintas parroquias e barrios, realizouse unha diagnose detallada dos principais problemas cos que se atopan os veciños de Vigo e da área metropolitana.

A día de hoxe dispoñemos dun borrador deste informe que se vai someter aos órganos da Federación e ao Concello de Vigo. Non obstante e unha vez coñecido o novo Plan para o Tráfico na cidade queremos adiantar algúns dos aspectos que chaman a atención:

1. En primeiro lugar percibimos importantes coincidencias coas demandas do Movemento Veciñal en materia de Mobilidade que se levan publicado nos últimos meses, pero botamos en falta maior concreción tanto nos desarrollos como nos prazos, así como nas negociacións coas demais Administracións implicadas:

É unha antiga reivindicación do Movemento Veciñal o acceso á VG-20, pero non se concreta o estado das negociacións con Audasa, Fomento e Xunta de Galicia, nin quen se fará cargo dos orzamentos nen en que medida.

Resulta imprescindible a creación de aparcadoiros disuasorios que eviten o acceso de automóbiles na cidade e que, agora coas humanizacións, cada vez é mais difícil. Este tema, xa recollido no Plan Xeral de Ordenación Urbana (PXOM), precisa de prazos se non queremos que sexa outra declaración de intencións.

A problemática que se vive no Hospital do Meixoeiro os veciños o padecen todos os días. Tamén requírese concreción de cómo se vai facer e de prazos de execución.

A existencia de estacións intercambiadoras resulta imprescindible, pero non se pode ceñir únicamente á estación de autobuses, require que se contemple tamén como mínimo nos lugares onde existan aparcamentos disuasoiros.

2. Resulta chamativo comprobar como nun plan integral de transporte non se menciona unha reestructuración xeral do transporte público urbano, conforme á nova realidade e dinámica urbana. Precisamente neste punto vai centrarse en boa medida as propostas do movemento veciñal dado que se percibe que nestes momentos non está atendendo as verdadeiras necesidades dos veciños.

3. Bótase en falta unha referencia á rápida posta en marcha do Plan de Transporte Metropolitano en colaboración coa Xunta de Galicia e os Concellos limítrofes. Esta demanda do Movemento Veciñal, da que tamén participan as restantes asociacións veciñais da Área Metropolitana, debe servir como vía de redución da entrada de vehículos particulares no Centro urbano  -cunha presenza diaria de 50.000 vehículos procedentes do exterior.- Tal e como se puxo de manifesto nas xornadas do 28 de novembro de 2009, o retardo de cinco anos que se arrastra con respecto ás Provincias do Norte de Galicia, supón entre outras cousas, a perda de importantes recursos económicos para os veciños da nosa Comarca (valorouse arredor de 12 millóns de euros que se levan perdidos).  Alen disto, as fortes conxestións, que reclaman reforzo das infraestruturas, retardos e ineficacia do Transporte Público, Contaminación e Colapso da Mobilidade.

4. Polo expresado, non se realiza ningunha proposta nin prazo da necesaria coordinación coas outras administracións competentes en termos de mobilidade, particularmente coa Xunta de Galicia. O movemento veciñal reivindica que o problema se aborde dun xeito global que afecta a 500.000 persoas, establecendo calendarios curtos de execución e con alternativas de futuro que logren incrementar dun xeito efectivo o emprego do transporte público, incluído tamén transporte de ría e transporte de cercanías en ferrocarril. Precisamente, está concedida para próximas datas unha xuntanza coa Consellería de Infraestructuras na que se urxirá a citada coordinación e a concreción de datas.

Á vista do expresado, a FAVEC considera imprescindible que se abra o debate, sobre a mobilidade urbana e metropolitana a través do mecanismo de participación establecido (Consello Sectorial de Mobilidade), que por certo xa foi solicitado por tres veces nos últimos dous meses. Necesariamente ten que abordarse un dos principais problemas da veciñanza contando con ela, así como das restantes partes implicadas en buscar unha solución á xa caótica e insoportable situación tanto en termos económicos como medioambientais.

Roser Ibañez:A falla de carrís bici e da cultura da bici, fan que moverse en bici pola cidade sexa realmente difícil e ás veces perigoso.

Eu son de fóra de Vigo, e na actualidade vivo en Coia e traballo no Calvario, e adoito moverme en bus ou ás veces en bicicleta.

Do uso da bicicleta en Vigo que podo dicir… A falla de carrís bici e da cultura da bici, fan que moverse en bici pola cidade sexa realmente difícil e ás veces perigoso.

E cando me movo en bus, atopo outras dificultades:

•  a insuficiente frecuencia de paso;
• as paradas que non só non dispoñen dos necesarios carteis indicadores da ruta e horarios das liñas que pasan por esa parada, senón que ás veces nin tan sequera dispoñen do cartel que fai saber que autobuses pasan pola mesma
• as grandes dificultades para poder acceder con facilidade a barrios periféricos como Cabral
• o incompleto plano de autobuses, tanto en formato papel como o que aparece na web; a complexidade na interpretación dos planos e a nomenclatura e ruta dos buses, nos que un mesmo número poden facer ata tres rutas distintas
• ter que viaxar cal sardiñas no bus nas horas punta…

Co bus, se as cousas van ben, teño que saír 45 minutos antes de casa para chegar ao traballo, en bici uns 35 m. máis o perigo que representa, e se fora en coche, tardaría 10 m. E cando o bus non pasa á hora, teño tardado ata unha hora…

Por outro lado, tamén quero dicir que coñezo máis dun caso no que a rampla para as persoas de mobilidade reducida dos buses non funcionaba, véndose estas obrigadas a ser subidas ao bus por outras persoas ou véndose imposibilitadas de facelo…

Ante todo isto, penso que unha cidade da envergadura de Vigo non pode permitirse ter un servizo de transporte público tan precario…

Despois

Luís: a nova marquesiña da Porta do Sol é ridícula para dar servizo aos centos de pasaxeiros que utilizan esta parada

Me gustaría expoñer que na Porta do Sol ata fai pouco esperábamos o bus ó amparo dunha enorme marquesina, onde collíamos todolos viaxeiros, e onde os indixentes se guardaban da chuvia.

A día de hoxe e logo da humanización deixaron n0 lugar de aquela grande estrutura na que resguardarse unha ridícula marquesiña para dar servizo a centos de viaxeiros nunha parada principal no centro de Vigo como é a Porta do Sol.

Tamén teño que engadir que o meu bus, (o l-20), daba a volta no “sereo”, e apañábalo comodamente na Praza da Princesa sen embargo agora teño que ir a collelo ata o paseo de Alfonso. Anteriormente existían 4 carrís para o paso de 17 liñas de vitrasa en ambos sentidos e podíase ter feito un intercambiador na Porta do Sol que queda acotada agora a dous estreitos carrís.

¿Onde está e para que serve esta “humanización”?

Á cita están convocadas máis de 200 asociacións veciñais da área metropolitana de Vigo: desde o Morrazo ata o Baixo Miño

Data: sábado 28 de novembro ás 10.00 horas
Lugar: sala de conferencias do Centro Cultural Caixanova de Vigo
(Rúa Policarpo Sanz, nº15, Vigo)

O movemento veciñal da área metropolitana está convocado a participar nunha xornada para abordar de forma conxunta a situación actual do transporte (os problemas de mobilidade que está a sufrir a veciñanza, medios de transporte, coordinación e frecuencias, prezos e calidade do servizo, necesidades de cada zona…) e urxir a sinatura do convenio entre a Xunta e os Concellos da área para a creación do transporte metropolitano, xa implantado en moitas cidades de Galicia como A Coruña, Santiago e Ferrol mentres na área de Vigo acumula anos de continuos retrasos.

Desta xornada sairán as liñas estratéxicas e actuacións para a campaña que se levará a cabo de forma conxunta polas asociacións veciñais da área co fin de promover o transporte metropolitano. Finalmente someterase a aprobación o manifesto “pola mobilidade efectiva na área metropolitana de Vigo”.

Blog
De xeito paralelo a esta xornada ponse en funcionamento o blog www.areavigo.org, concebido como un espazo para que os veciños e veciñas conten os seus casos, poblemas e necesidades de transporte e para que as entidades veciñais e outros colectivos realicen as súas achegas.

A FAVEC xa advertiu do disparatado dos prezos das concesións ás que hai que sumar un elevado custo de mantemento.

A Federación Veciñal “Eduardo Chao” califica de previsible a situación dos novos aparcadoiros que non logran dar saída ás prazas para residentes. Esta entidade xa advertiu fai tempo dos elevadísimos custes dos aparcadoiros e a día de hoxe os prezos seguen a ser desorbitados. Tan só desembolsar os intereses dun crédito no banco e pagar as taxas de mantenimento supón un custe moi superior ao de alquilar unha praza no mercado libre e aínda por riba habería que logo facer fronte ás amortizacións do crédito. Todo isto imposibilita á veciñanza o acceso a este servizo. A única solución consiste en aplicar unha baixada significativa aos prezos das concesións como xa fixeron algúns aparcadoiros, aínda que seguen a ser insuficientes.

A proposta de venta podería incurrir nun novo ilegal como xa sucedeu coas prazas vendidas no parking de Rosalía de Castro

Advertimos do posible ilegal en que podería incurrir o Concello si permite a venda das prazas para residentes, como xa sucedeu co aparcadoiro de Rosalía de Castro que está nos xulgados. Lembramos que os aparcadoiros están concebidos como un servizo á veciñanza e no caso destes garaxes estamos a falar duns terreos públicos xestionados por empresas concesionarias e que de ningún xeito poden privatizarse para a súa venda.

 

O obxectivo é que no primeiro trimestre de 2010 entre en funcionamento o transporte metropolitano na área de Vigo como xa presta servizo en A Coruña, Santiago ou Ferrol

 O 28 de novembro levarase a cabo unha xornada de traballo con todas as asociacións veciñais da área metropolitana para analizar a situación e poñer riba da mesa as problemáticas e necesidades da veciñanza da área de Vigo

As federación veciñais constituídas na área metropolitana: Federación Veciñal “O Facho” – Cangas do Morrazo, Federación Veciñal “A Chamusca” – Moaña, Federación Veciñal “Pedra dos Acordos” – Val Miñor e Federación Veciñal “Eduardo Chao” – Vigo amosaron hoxe en rolda de prensa a súa preocupación polo retraso na creación do transporte metropolitano e denunciaron o grave prexuizo supón para a veciñanza de toda a área.

Para que o transporte metropolitano sexa unha prioridade e se materialice de xeito inmediato as federacións veciñais constituídas na área metropolitana de Vigo acordaron crear un comité de campaña que promoverá as seguintes actuacións:
1. Convocar a unha XORNADA DE TRABALLO a todas as asociacións veciñais da Área metropolitana para o vindeiro SÁBADO 28 DE NOVEMBRO, ás 10:00 da mañá na Sala de Conferencias do Centro Cultural Caixanova (Policarpo Sanz nº 13, Vigo). Nesas xornadas darase a coñecer en profundidade a situación descrita e someterase a aprobación un manifesto “POLA MOBILIDADE EFECTIVA NA ÁREA METROPOLITANA DE VIGO”.

2. ESIXIR QUE NO PRIMIERO TRIMESTRE DE 2010 ESTE ASINADO O CONVENIO DE COLABORACIÓN ENTRE A XUNTA DE GALICIA E OS CONCELLOS DA ÁREA METROPOLITANA PARA O DESENVOLVEMENTO CONXUNTO DO TRANSPORTE METROPOLITANO DE GALICIA NA ÁREA DE VIGO.

3. Promover CANTAS ACCIÓNS SEXAN NECESARIAS NOS DISTINTOS CONCELLOS DA ÁREA METROPOLITANA. Particularmente, no Concello de Vigo vaise solicitar formalmente a convocatoria da Comisión municipal de transporte para abordar este tema e solicitar información da posición do Concello de Vigo.

3. Solicitar unha ENTREVISTA COA CONSELLERÍA DE MEDIO AMBIENTE, TERRITORIO E TRANSPORTE para dar a coñecer as demandas do movemento veciñal da área metropolitana e recabar información detallada dos propósitos deste departamento autonómico.

4. Por último, dar a coñecer á cidadanía da área metropolitana a situación do transporte público na web www.areavigo.org. Nela abrirase un espazo para que os veciños e veciñas conten os seus casos e as entidades veciñais e outros colectivos realicen as súas propostas (ver no Anexo unha achega que se recibiu no blog que nestes momentos ten aberto a Federación veciñal de Vigo en relación co tema da mobilidade).

Laura: non podo abandonar o traballo para cambiar o coche de zona cada dúas horas

¿Co novo sistema de aparcamento da ORA quen pode traer o coche a traballar? Non poño queixa en canto o pagamento do mesmo, pero si o que cada dúas horas haxa que cambialo de sitio ¿quen me suple no meu posto de traballo?, ¿considera alguén que se pode saír cada dúas horas para poder non so cambia-lo ticket senón tamén de estacionamento e de rúa?

Á opción 1 é metelo nun parking público o cal, por experiencia propia, a broma sáeche entre 6 e 7 euros a mañá, a opción 2 sería ter un mellor sistema de transporte público en canto a frecuencia de liñas e coordinación de transbordos…