Laura: non podo abandonar o traballo para cambiar o coche de zona cada dúas horas

¿Co novo sistema de aparcamento da ORA quen pode traer o coche a traballar? Non poño queixa en canto o pagamento do mesmo, pero si o que cada dúas horas haxa que cambialo de sitio ¿quen me suple no meu posto de traballo?, ¿considera alguén que se pode saír cada dúas horas para poder non so cambia-lo ticket senón tamén de estacionamento e de rúa?

Á opción 1 é metelo nun parking público o cal, por experiencia propia, a broma sáeche entre 6 e 7 euros a mañá, a opción 2 sería ter un mellor sistema de transporte público en canto a frecuencia de liñas e coordinación de transbordos…

Suscribirse ao rss

A resposta cidadá ao diálogo público sobre o transporte pon de manifesto que é este un tema que a todos nos afecta e deben achegarse solucións de forma urxente

 

As xornadas “A mobilidade en Vigo e área metropolotina: análise e propostas”, reuniron o pasado 11 e 12 de outubro no Centro Cultural Caixanova de Vigo a administracións, colectivos sociais, sindicais, ecoloxistas e veciñais para abordar desde diferentes perspectivas as problemáticas e posibles solucións á mobilidade.
Dous días de intenso debate e achegas por parte dos ponentes, asociacións veciñais, moitos colectivos preocupados polo transporte e cidadanía en xeral que acudiron á chamada do diálogo público, poñen de manifesto a crecente preocupación por un sistema de transporte que non funciona en Vigo e a súa área ante as crecentes necesidades da cidadanía que de xeito urxente pide unha solución.

 

O mércores 11 novembro as xornadas se centraron no enfoque das administracións públicas. A intervención do Director Xeral de Mobilidade da Xunta de Galicia Miguel Bugarín serviu para dar a coñecer algúns dos proxectos desta administración como a creación dun Consorcio de Transporte Metropolitano para toda Galicia que funcione cunha tarxeta única.
O Concelleiro de Mos aprobeitou a súa quenda para denunciar o abandono das conexións deste Concello con Vigo, tal e como sucede con outros moitos asentamentos da área metropolitana Xosé Manuel Martínez Ojea salientou algúns paradoxos como que moitos viais que comunican a área sexan de pago ou os rodeos de hora e media para chegar á Universidade que ten algúns centros no propio Mos.

 

Luci Soliño da asociación medioambiental ADEGA Vigo abriu o segundo día de análise e debate para achegar unha nova perspectiva de mobilidade que sería posible coa progresiva introdución da bicicleta para cubrir moitos desprazamentos dentro cidade, neste senso achegou un completo documento con propostas de rutas asequibles sen necesidade de facer grandes esforzos físicos.

O turno de Carlos Martínez Lamosa, responsable do sector do transporte da CIG na comarca de Vigo serviu para denunciar que os traballadores dos polígonos industriais de Vigo e área non dispoñen de alternativa de transporte público o que acarrexa grandes problemas especialmente á xente xove e apuntou que en tempos de crise o investimento en infraestruturas e medios de transporte é unha boa medida para estimular o mercado laboral.
Pechou as xornadas a intervención da veciñanza, en boca de Luís Martínez, vogal de transporte e mobilidade da Federación Veciñal “Eduardo Chao”. Luís prantexou a necesidade de reformar o actual esquema de liñas de vitrasa facendo un sistema radial que evite que todos os autobuses se xunten no centro e conectado cunha rede de aparcadoiros disuasorios que saquen o tráfico do centro da cidade.

A vindeira semana comezaremos a coñecer as primeiras conclusións sobre estas dúas xornadas de profundo debate público en torno á mobilidade en Vigo a área metropolitana.

Suscribirse ao rss

Esta situación está a colapsar o tráfico nestas zonas. Os novos usos  non contemplados nas infraestruturas existentes están a dificultar o acceso aos servizos hospitalarios e comerciais

Dentro da campaña “Por unha mobilidade efectiva. En Vigo non imos esperar máis” que está a levar a cabo o movemento veciñal de Vigo, esta semana tivo lugar a terceira charla-coloquio na que participaron conxuntamente directivos da FAVEC e Asociacións Veciñais que conforman a segunda coroa interurbana: Cabral, Parada – Maceiriña, Candeán e Beade. Trátase dunha zona de transición entre o ámbito periurbano de Vigo e a súa área metropolitana.

Conclusións
A principal conclusión do grupo de traballo é que existen nestas parroquias zonas están sendo empregadas como aparcadoiros disuasorios de tal xeito que persoas que viven no periurbán e área metropolitana e se dirixen á cidade de Vigo deixan os seus vehículos particulares nas zonas onde poden aparcar de xeito gratuíto para logo baixar ao centro ou áreas industriais compartindo vehículo ou en transporte público. Está situación resulta especialmente grave no centro comercial meixoeiro, contorna do hospital meixoeiro ou mercado de cabral, e o resultado é que estanse a colapsar estas zonas e a cidadanía que ten necesidade de acudir para gozar dos servizos que nestes puntos se presta xa non ten facilidades para acceder ou estacionar.

Esta realidade pon de manifesto a acuciante necesidade de acometer canto antes a rede de aparcadoiros disuasorios nas aforas da cidade. Un servizo que permitar á cidadanía dos barrios periféricos e área metropolitana estacionar os seus vehículos todo o día de xeito económico e logo dispoñer dun servizo áxil de transporte público para desprazarse cara ao centro e área industriais. Unhas infraestruturas xa recollidas no Plan Xeral.

A vindeira semana comeza o cuatro grupo de traballo no que participarán as asociacións de Zamáns, Valadares, Freixo, Matama, Coruxo, Oia, Saiáns.

Suscribirse ao rss

Un encontro entre os Cidadáns e as Administracions: Concellos, Xunta, Sindicatos, Ecoloxistas e Veciñanza para analizar e facer propostas que permitan abordar de xeito efectivo os graves problemas co transporte

 

Mércores e xoves 11 e 12 de novembro ás 20.00 horas no Centro Cultural Caixanova (Policarpo Sanz, nº13, Vigo).

 

Programa

 

Mércores, 11 novembro

A MOBILIDADE VISTA DENDE AS ADMINISTRACIÓNS PÚBLICAS. Interveñen:

D. Miguel Bugarín. Director Xeral de Mobilidade da Xunta de Galicia

Dª. Clara Millán González. Alcaldesa de Cangas

D. Xosé Manuel Martínez Ojea. Concelleiro de Mos

Modera: Luis Martínez Portela

 

Xoves, 12 novembro

MOBILIDADE E TRABALLO. Intervén:
D. Carlos Martínez Lamosa.  Responsable do sector do transporte da CIG na comarca de Vigo

MOBILIDADE E MEDIO AMBIENTE. Intervén: 
Dª.  Luci Soliño. ADEGA Vigo

MOBILIDADE E VECIÑANZA. Intervén:
D. Luis Martínez Portela. Vogal de Transporte e Mobilidade da Federación Veciñal “Eduardo Chao”

Modera: Antón Sánchez Fernández

 

Presentación

Enmarcado no contexto da Campaña “Por unha Mobilidade efectiva: en Vigo non podemos esperar máis”, convocamos as distintas Administracións (concellos da Área Metropolitana e Xunta de Galicia) e distintos Axentes Sociais para analizar o problema da Mobilidade en Vigo e Área Metropolitana, e facer propostas que permitan abordar de xeito efectivo o grave problema ao que nos estamos enfrontando.

De feito, este é o problema que as Asociacións de Veciñais identifican como o máis grave dos que sufre a Cidade, e tamén parámetro de Calidade de Vida que mellor pode repercutir no Desenvolvemento Económico e na Cohexión Social.

É preciso por elo un esforzo Conxunto, Coordinado e Desinteresado de tódalas Administracións , dende o Estado de España ata Xunta de Galicia, Concellos e Deputacións.

Xa non abondan as declaración de intencións que se levan escoitando dende os anos 90.

A “enfermidade” está en fase aguda e compre que todas as propostas recollidas en distintos plans se materialicen de inmediato. Do contrario a área metropolitana de Vigo, acabará disolvéndose por falla de “arterias polas que circular o sangue”
Particularmente queremos que as xornadas servan para abordar os seguintes temas

 

INFRAESTRUTURAS

Repasar cos representantes das administracións os plans e os orzamentos sobre os Accesos da Cidade para vertebrar a área metropolitana (case 500.000 habitantes e cerca de 150.000 coches en movemento diario).

Coñecer como se van a materializar os trens de cercanías, AVE, Aeroporto.

Cando se van construir os aparcadoiros disuasorios na Periferia da Cidade, e os contidos recollidos no Plan xeral de Vigo a éste respecto .

 

TARXETA INTERMODAL DE TRANSPORTE METROPOLITANO

A súa carencia está facendo que os cidadáns de Vigo e Área metropolitana sexan dos poucos que non disfroitan dunha modalidade de xestión do transporte da que están dotados outros concellos de todo o estado.

Queremos precisamente coñecer estos casos nos que se permite empregar mais o servizo de transporte público dun xeito mais económico. Evidentemente isto requiriría abordar o seguinte punto.

 

CONSORCIO DO TRANSPORTE METROPOLITANO DE VIGO

Nada pode ser levado a cabo en materia de Transporte, sen a creación dunha UNIDADE DE XESTIÓN SUPRAMUNICIPAL, que armonice os intereses das distintas concesionarias, que coordine horarios e traxectos, que estableza tarifas comúns e coordinadas e que permita que non existan na área metropolitana cidadáns de primeira, de segunda e de terceira.

 

REFORMA DO SERVIZO PUBLICO EN VIGO

A lonxitude das Liñas, que realizan frecuentemente dous bucles a un lado e outro da Cidade desembocando muitas veces na Porta do Sol, provoca un serio despilfarro de recursos e tempo; Ocasiona  Retardos, Conxestión Urbana e Contaminación. 

A Fraxilidade déste sistema, maniféstase cando o Servizo se colapsa con motivo da celebración de desfiles, Festividades ou Manifestacións.

As obras do Centro están a causar ese mesmo efecto, sendo obvio que unha vez finalizadas, a calzada seguirá a ser escasa para o tráfico actual de tantas Liñas simultáneas.

¿Qué solucións se plantexan para todo isto?.
¿Onde está a Comisión Municipal de Transportes na que hai que debatir o novo modelo de xestión do transporte urbano?
¿Por qué os representantes lexítimos dos veciños na citada comisión segundo a Lei de Réxime Local de Galicia e o Regulamento de Participación Cidadá de Vigo non poden presentar os seus problemas e aportar a súas achegas?

Como ven se pode comprobar, as xornadas están plantexadas nun momento moi axeitado para escoitar análises e facer propostas, e sobre todo, para definir a partir dese momento cal vai ser a axenda de traballo de todas as partes implicadas para lograr que nun tempo curto de tempo Vigo e a súa Área metropolitana xogue na división que lle toca en termos de mobilidade.

Suscribirse ao rss

David:a A tarifa de estudantes  é ridícula. Para amortizar os 3 euros das fotos de carné que piden para facela tes que facer 100 viaxes…

Chámome David e son da parroquia de Chapela, por Chapela só pasa a liña de Vitrasa C3 e unha liña da empresa autocares Gonzalez, eu teño 16 anos son estudante e teño uns ingresos económicos moi baixos, o que me poden dar os meus pais que son uns 10 euros semanais.

Fai pouco empezei a mover papeis pra facer a tarxeta de estudante xa que sae algo mais barata que a normal que xa a tiña (É unha cantidade ridicula pero bueno…) Fixen as fotos conseguin os papeis no instituto e funnos levar a Caixanova.

Dixeronme que a tarxeta tardaria arredor dun mes en facerse que era o que tardaban en xestionala os de Vitrasa, esperei pasei pola sucursal varias veces e ao final casi dous meses tardaron en darma, a veo e está mal feita, puxeron o nome do meu director en lugar do meu nome e enrriba me di que ainda non está activa que non lles funciona a máquina.

Me dixo que fora outro dia a activala e que a podia usar mal que non pasaba nada, eu non podo ir polas mañás e estou ocupado polas tardes non podo estar a perdelo tempo indo a sacar a tarxetiña pra que ma dean mal de novo.
Polotanto levo moito tempo pagando o Vitrasa en metálico e 2,26€ por saida a cidade son moitos cartos para o presuposto do que dispoño pra todas as miñas cousas.

O Vitrasa tarda uns 45 minutos en chegar ao centro de Vigo e 1:20m en chegar ao cemiterio de Coia, eu vou ao centro habitualmente e xa perdo hora e media entre ida e volta sen contar o tempo que boto na parada xa que o 60% de veces que vou coller o bus chega con retraso e non cumple os horarios.

Logo as aglomeracións, é curioso que cando ven moita xente no bus (Lata de sardiñas) sempre é un bus ríxido e cando non ven ninguén é un oruga , a xestión de Vitrasa nese caso e bastante curiosa.

E se colledes habitualmente un dos últimos buses (22:30) e pasades por Chapela fixarédevos que o condutor ten tanta ansia de rematar a xornada que pola zona de Avenida de Redondela ou Angel de Lema y Marina pon o bus en moitas ocasións a 80kmh (Zonas de 50) e incluso o teño visto superar esa velocidade, a min pareceme temerario (…) circular a esa velocidade cun autobús urbano.

Teño moitas queixas sobre Vitrasa pero a miña principal é que a tarifa de estudantes non siga así porque é ridícula, eu non teño ingresos mais que os dos meus pais e pago só 3 centimos menos que calquera traballador, unha verdadeira vergoña e amin polomenos paréceme unha falta de respeto chamarlle tarxeta de estudante a tal estafa porque só pra amortizar os 3 euros das fotos de carné que piden pra facela tes que facer 100 viaxes…

Suscribirse ao rss

a exposición itinerante xa pode visitarse desde este xoves 5 de novembro e ata o mércores 18 na A.V. “Sta. Mariña” de Cabral

 

 

Será a parroquia de Cabral a que nos vindeiros días acolla as sesións de traballo e exposición da campaña “Por unha mobilidade efectiva. En Vigo non imos esperar máis”. 

O xoves 5 de outubro ás 20.00 na A.V. “Sta. Mariña” de Cabral haberá unha primeira reunión das asociacións que conforman a segunda coroa da cidade; será para poñer en común as problemáticas, carencias e necesidades en materia de transporte e mobilidade na zona. Nesta sesión de traballo intervirán as asociacións de Cabral, Beade, Candeán, “Rúas e Fontes” de Parada Maceiriña e Bembrive.

Desde este mesmo día poderá visitarse no salón de actos da asociación a exposición itinerante da campaña, conformada por múltiples paneis que recollen os testemuños persoais que presentan os distintos problemas reais de transporte cos que se atopa a veciñanza.

Todas aquelas persoas interesadas poden participar na iniciativa deixando constancia das súas problemáticas de transporte ou expresando as súas opinións sobre o que está a suceder coa mobilidade neste blog, no apartado cóntanos o teu caso.

Suscribirse ao rss

A dificultade para acceder aos servizos de saúde, un transporte público que dea servizo ao interior das parroquias, aparcamentos disuasorios e  novos viais de interconexión algunhas das problemáticas e conclusións

Directiva da FAVEC e das Asociacións Veciñais da primeira coroa interurbana: Lavadores, Sampaio, San Xoán Poulo, San Roque e A Paz, reuníronse para analizar as problemáticas comúns en materia de transporte e mobilidade dentro da campaña “Por unha mobilidade efectiva. En Vigo non imos esperar máis”

 

 Tres foron os temas que centraron o debate sobre as problemáticas que máis afectan á veciñanza destes barrios de Vigo en materia de transporte e mobilidade:

 

1. Mobilidade nos entornos sanitarios

 
Centro Hospitalario do Meixoeiro. Existe un grave problema para acceder empregando o transporte público desde Sampaio ou San Xoán Poulo xa que os trasbordos son complexos e o percorrido extenso. Isto provoca que a meirande parte dos veciños e veciñas accedan en vehículo, atopándose entón un grave problema de aparcamento, sobre todo a primeiras horas da mañá.

Hospital Xeral. Un problema semellande de difícil acceso en transporte público é o que se atopan os veciños da contorna de Martínez Garrido e Gregorio Espino. Tampouco está resolto o problema do aparcamento na contorna deste hospital.

Hospitais de Povisa e de Fátima. Logo da recente humanización, o acceso a Povisa está colapsado e a posibilidade de aparcar na zona resulta pouco menos que imposible o que deixa como única alternativa acudir aos aparcadoiros de Independencia ou Pintor Colmeiro e pagar uns prezos desorbitados. Tamén o peche do “pseudoaparcamento” do que dispuña Fátima fai moi difícil desprazarse á zona en vehículo particular.

Centros de saúde da Doblada e de Sárdoma. Referentes para as parroquias participantes neste grupo de traballo. Non existe un adecuado servizo de transporte público e por outra banda prodúcense graves problemas de aparcamento para acceder a eles, o que provoca situacións incómodas e colapsa o aparcamento da zoa.

 

2. Transporte público urbano

As liñas de autobuses pasan polas vías principais dos barrios deste grupo pero quedan desatendidas as zoas interiores. Isto ponse de manifesto claramente en Lavadores e Vilar, que demandan unha liña circular de barrio que permita acceder aos seus veciños a Ramón Nieto ou a Martínez Garrido. Esta mesma circunstancia se percibe en San Xoán Poulo e Sampaio.

Unha das problemáticas que máis afecta a estas parroquias é a escasa frecuencia dos autobuses, así como as horas de inicio e fin do servizo. Por exemplo a Liña 6 só ten frecuencia dunha hora pola semana e de 2 horas os festivos. As liñas inician o servizo ás 6:00 e rematan ás 22:00 cando deberían comezar ás 5:00 e rematar a partir das 23:00.

Algunhas liñas como a liña 2 é excesivamente longa, de xeito que cando se pretende empregar para retornar faise un recorrido por todo Vigo, polo que precisarían dun servizo inverso.

A estación de autobuses está moi mal comunicada co transporte público urbano.

 

3. Vías de comunicación

Considérase prioritario abordar con urxencia un vial de interconexión das parroquias como é a Ronda no seu paso polas áreas deste grupo. Esta infraestrutura, de vital importancia para a mobilidade en todo Vigo, ten que ir acompañado por unha resolución xusta das expropiacións. Neste senso esíxeselle á Xunta de Galicia que detalle claramente cal vai ser o proceso de expropiación e que non deixe a veciños sen vivenda.

Cómpre acompañar a construción deste vial coa creación de aparcamentos disuasorios tanto na zoa da Avenida de Madrid como en Puxeiros, de xeito que compense deixar os vehículos neses aparcamentos que deben estar á súa vez ben comunicados coa rede de transporte público urbano e metropolitano.

 

Ata o vindeiro mércores 4 de novembro a mostra itinerante da campaña, que recolle testemuños persoais de diferentes poblemáticas de transporte poderá visitarse na A.V. “Agarimo” de San Xoán Poulo (rúa Vista do Mar, nº6). A partir desta data a exposición trasládase a Cabral onde comezará a traballar o terceiro grupo de reflexión conformado por asociacións da segunda coroa de Vigo: Cabral, Maceiriña, Candeán e Beade.

Toda a información sobre a campaña estará dispoñible neste blog aberto á participación da cidadanía e no que se pode deixar constancia das problemáticas, queixas e opinións en materia de transporte e mobilidade.

Suscribirse ao rss

José Luís Martínez: consultaron acaso algo con los vecinos?

Vivo e la calle Baiona, y con la nueva remodelación una parte de dicha calle va a quedar de sentido único y la otra doble sentido (donde la gasolinera); también la calle Redondela por lo que parece va a quedar de doble sentido, por lo que si subes de Baiona a Redondela y vas a avda.Castelao a la derecha y hay vehículos que van a la izquierda no puedes pasar hastra que el semáforo lo tengan abierto para ir también a izquierda, lo que promete grandes atascos.

Por otro lado carece de todo sentido la doble dirección de la calle Baiona en su segundo tramo, mientras el primero (desde Padre Seixas) es sólo de sentido único. Obedece esto a algún acuerdo o consultaron con los vecinos los técnicos?

Creo que en Coia tenemos un problema de representación y algunos de los dirigentes no representan al barrio sino a sus propios intereses.

Suscribirse ao rss

Marcos: desde la Avenida de Castrelos existe una carretera directa a la estación de autobuses pero parece que no pueden ir Vitrasas por ella

Lo peor es el viaje para ir a la estación de autobuses. Para ir a la de tren hay más o menos bastantes Vitrasas que te dejan delante, en Urzaiz. Pero para la de autobuses apenas hay y su frecuencia suele ser de hora en hora.

Cómo no vamos a usar el coche, por ejemplo, para ir a Pontevedra, si el viaje en autobús hasta la estación es más largo que ir coche a Pontevedra.

Es absurdo que no haya rutas directas de Balaídos, Coia, Plaza de América, Castrelos, etc etc, sin que pasen por el centro.

Tenemos una maravillosa carretera desde la Avenida Castrelos que va directa a la estación de autobuses. Pero parece que no pueden ir Vitrasas por ella.

Suscribirse ao rss

Enviado por Raquel

Tardo unha hora en chegar dende Valadares até Teis todos os días, o que me supón ter que comer fóra da casa porque non é viábel por cuestións de tempo ir e voltar debido á tardanza do autobús en horas puntas (mediodía)..

• Collo o C7 das 07:55h para chegar á Praza de América ás 08:20-8:30h.
• Ás 8:30h pasa un C3 que se se retrasa tarda 20mins máis en chegar e ademáis de chegar tarde a traballar (entro ás 9) tampouco me fai transbordo porque xa superaría os 45mins.

A miña proposta sería que os autobuses que van dunha punta da cidade á outra non pasasen polo centro que sempre hai máis tráfico debido aos autobuses escolares, institutos, etc.

Se vives no centro podes coller un circular (C1, C2, C16Inversa) pero se vives ás aforas (en calquera das nosas parroquias, hainas que aínda teñen menos autobuses e tardan máis tempo en pasar) tes que tragarte todo o percorrido polo centro co consecuente tráfico (dende Valadares até Policarpo Sanz son 40mins cronometrados, é imposibel chegar antes) e se vas a traballar, ao médico ou a unha entrevista, non podes arriscarte a coller un autobús e rematas collendo un taxi, no mellor dos casos para quen poida costealo (que obviamente a diario case ninguén).

Un saúdo e parabéns pola iniciativa!

PD: Para cando un tranvía, metro ou tren de cercanías

Suscribirse ao rss