Enquisa
Lista distribución
Servizos Sociais
A Federación Veciñal pide á Xunta a paralización da concesión privatizadora do novo Hospital.
- Demandan tamén que o SERGAS actúe para evitar a demora nas citas médicas e a non prescrición de receitas.
O anuncio da admisión de dúas ofertas de dúas UTE que concorren á concesión do futuro novo hospital de Vigo, representa unha demostración máis do desprezo do actual goberno da Xunta de Galicia ao conxunto da cidadanía de Vigo que de xeito masivo rexeita o modelo privatizador que promove, como quedou patente nas dúas macromanifestacións celebradas na nosa cidade.
A Federación Veciñal quere expresar con rotundidade o seu completo rexeitamento e absoluta oposición á pretensión da Xunta de Galicia de converter unha infraestrutura sanitaria fundamental como é o novo Hospital nun zumento negocio lucrativo para o capital privado, que ademais multiplicará por sete os custos. Esiximos un Hospital 100% público, tanto na súa dirección e xestión coma no seu financiamento, como único xeito de salvagardar o dereito fundamental a unha asistencia sanitaria pública, gratuíta, universal e de calidade.
FAVEC e Rede Social Galicia Sur reclaman un compromiso real co Centro de Emerxencia Social para Vigo
- Ambas entidades valorarán posíbeis mobilizacións unitarias.
Onte, luns 9 de agosto, a partir das 20h celebrouse unha xuntanza entre unha delegación da Comisión Permanente da FAVEC e representantes da Rede Social Galicia Sur que aglutina a numerosos colectivos sociais e ONGs.
O encontro que se prolongou por espazo de hora e media, nun clima de colaboración, estivo centrado no tema do Centro de Emerxencia Social (popularmente denominado “albergue”). Ambas entidades coinciden na necesidade vital desta dotación para a nosa cidade, ao tempo que lamentan o feito de que o sentir unánime da cidadanía de Vigo que a demanda non estea correspondido co necesario consenso político.
A FAVEC apoia a concentración convocada por Galicia Sur para reclamar un albergue
A Federación Veciñal “Eduardo Chao” apoia esta convocatoria e invita a cidadanía a estar presenten a reivindicación dunha das infraestruturas máis reclamadas polos colectivos sociais da cidade.
Cando: xoves, 15 de abril.
Onde: diante do museo MARCO de Vigo
A Vogalía da Igualdade organiza unha obra de teatro para a celebración do Día da Muller
Conmemoración do Día Internacional da Muller
Dende o compromiso histórico da FAVEC coa reivindicación dos dereitos da muller, a nosa entidade está colaborando e participando en todos os actos conmemorativos que se organizan con motivo da celebración do 8 de marzo, Día Internacional da Muller, dende o Consello Social da Muller.
Para completar a celebración de todos estes actos, a Vogalía de Igualdade da FAVEC organiza unha obra de teatro na asociación veciñal "Monte da Mina" de Castrelos, O enfermo imaxinario, de Moliere. Será o xoves 12 de marzo ás 19.30 horas.