Enquisa
Lista distribución
Infraestructuras
Instamos a Xunta e Concello a intensificar a inspección e sanción das verteduras no Río Lagares.
Medio Ambiente
Desde a Federación Veciñal “Eduardo Chao” de Vigo queremos manifestar publicamente a nosa preocupación perante o feito de que practicamente o 80% das verteduras ilegais no Río Lagares denunciadas por parte da Concellería de Medio Ambiente a Augas de Galicia, non provocasen apertura de expediente sancionador por parte da administración autonómica.
É de público coñecemento, e polo tanto unha realidade coñecida polos responsábeis políticos, que no curso do Río Lagares se seguen a perpetrar verteduras ilegais que contaminan as súas augas, cun impacto ambiental evidente sobre dun hábitat que debera ser protexido por parte das administracións públicas.
A Federación Veciñal reúnese, por vez primeira, coas e cos propietarios das vivendas de Barreiro.
Urbanismo
Unha delegación da Comisión Permanente da Federación Veciñal, integrada polos tres administradores-mancomunados da Promotora Eduardo Chao SLU (María Pérez, como Presidenta; Xabier P. Igrexas, como Secretario; e Valentín Bernárdez, como Vogal de Urbanismo da FAVEC) e máis os vogais Eduardo Fernández e Fran Piñeiro, mantiveron unha asemblea coas e cos propietarios das cen vivendas construídas pola promotora da federación en Barreiro (Lavadores).
Desde que se iniciou o proxecto das vivendas de Barreiro, esta foi a primeira vez na que a dirección da FAVEC se reuniu directamente coas propietarias e propietarios, que viñan demandando esta xuntanza desde había meses á anterior Comisión Permanente.
O transporte metropolitano é unha prioridade para os Vigueses
Transporte
Sen mais información ó respecto da que se recolle na web da Consellería de Medio Ambiente, Territorio e Infraestruturas, atrevémonos a afirmar que a proposta que se fai dende a Xunta de Galicia en materia de Transporte Metropolitano é do maior interese para os veciños e para o Concello da Cidade de Vigo.A Favec colabora co concello da Guarda na 3º etapa do Camiño de Santiago pola Costa
Transporte
En coincidencia coa iniciativa do Concello da Guarda, que o sábado dia 24 levará a cabo a 3ª Etapa da Peregrinación na que participan 200 veciños do Baixo Miño, a Federación Eduardo Chao publica o segundo folleto da Guia que estamos a elaborar para divulgación do traxecto do Camiño a Santiago pola Costa, e convida a veciñanza de Vigo a participar nesta andadura.
- Cando: sábado 24 de abril.
- Onde: saída de Baiona ás 7.30h. da mañá dende a igrexa de Santa Liberata.
- Cruzará polos sendeiros e rúas do Concello de Vigo, para finalizar en Trasmañó aproximadamente ás 17.00h.
- Guía do Camiño Baiona-Redondela.