A Federación Veciñal está composta por 33 asociacións veciñais federadas. Estamos abertos a seguir consolidando o movemento veciñal como referente asociativo da cidade, para iso a túa colaboración é moi importante. Descubre ata onde podemos chegar taballando todos xuntos; fedérate xa!

Por que Federarte

Calquera federación ten como finalidade agrupar, coordinar e fortalecer a unha serie de colectivos que teñen obxectivos afíns. Unha federación veciñal debe ser a máxima representación da veciñanza dunha cidade. Cada barrio está representado a través das súas asociacións veciñais e nesas asociacións estamos representados cada un e cada unha dos que habitamos o barrio.

Nunha federación depositamos a confianza en acadar obxectivos que unha asociación, de xeito independente, tería máis dificutades para acadar.

A constitución dunha federación de colectivos ten unha clara vantaxe que é optimizar os recursos e a enerxía dun modo adecuado para facer máis eficientes as xestións a realizar ante unha cuestión concreta. Se a nivel individual a fórmula para loitar se traduce en asociarnos e, no noso eido, asociarnos veciñalmente nos barrios e parroquias, a nivel de cidade, a fórmula é que estas asociacións se unan e traballen unidas en problemas que afectan a toda a cidadanía