A Vogalía de Igualdade da FAVEC coordina as accións das diferentes vogalías de muller das asociacións veciñais, coa disposición de traballar en prol dunha igualdade real entre mulleres e homes, e en contra da violencia de xénero.

Esta vogalía xestiona o Punto Informa e apoia o traballo de organizacións como a Marcha Mundial das Mulleres, ao tempo que promove encontros coas asociacións de mulleres representativas da área metropolitana de Vigo.

No seu afán por acadar unha igualdade real entre mulleres e homes, organiza cada ano as Xornadas das Mulleres Veciñais, cun proxecto claro: a formación, o encontro e a divulgación de temas relacionados coa muller.

A colaboración co Concello de Vigo, permitiu a creación do programa de formación “Eu tamén sei”, para a integración da muller na vida activa da cidade, finalizando cos traballos expostos ó público na Exposición Mans Creativas.

Obxectivos

• Formación específica para mulleres dirixentes do movemento veciñal, xa que son as que xestiona na grande parte da actividade das asociacións.
• Dinamizar e sensibilizar sobre os temas vinculados ás mulleres, polo que se realizan programas formativos específicos, como o Mollémonos, que en colaboración co Concello de Vigo, desenvolve actividades de animación sociocultural para mulleres, reunións, conferencias (Xornadas anuais das Mulleres Veciñais de Vigo); exposicións e intercambios con outras mulleres que poden aportarnos ás súas experiencias ó noso traballo (Exposición Mans Creativas, Marcha Mundial das Mulleres).
• Loitar contra a violencia de xénero en tódalas súas versións: violencia doméstica, acoso no traballo, acoso psicolóxico, maltrato físico, abuso sexual, etc.; xestionado a través do Punto Informa.
• Consideramos que a manifestación pública de repulsa da violencia é fundamental, polo que participamos e convocamos concentracións, e actos de apoio á igualdade de xénero e a non discriminación.

Equipo de igualdade

• Margarita Alonso Sabino
• Luisa Martínez Fernández
• Paqui Sánchez Esteban
  

Actuacións

• Xornadas de Muller
• Muller no deporte
• Certame literario
• Viaxe illas Cíes
• Mans Creativas