Últimas noticias
- O Movemento Veciñal de Vigo reclama o mantemento do tren Vigo-Porto.
- A Federación Veciñal inicia unha recollida de sinaturas on line contra a suba da luz.
- A FAVEC pídelle ao Alcalde que rectifique as medidas que dificultan o acceso de público aos Plenos.
- Centos de veciñas/os de Vigo, convocados pola FAVEC, concéntranse contra a suba da luz.
- A FAVEC convoca para vindeiro sábado 26-F unha concentración cidadá contra a suba da luz.
Axenda
| Sen eventos |
Enquisa
Boletín Informativo
Novas Infraestructuras O Movemento Veciñal de Vigo reclama o mantemento do tren Vigo-Porto. O Movemento Veciñal de Vigo reclama o mantemento do tren Vigo-Porto.
PDF Correo-eA FAVEC demanda a Xunta e Fomento que tomen as medidas necesarias para garantir a continuidade da liña.
O anuncio realizado onte por parte do Goberno Portugués de que se suspenderá a conexión ferroviaria entre a nosa cidade e Valença do Minho, suporá a eliminación da única conexión por tren que une Galiza e Portugal, menoscabando a necesaria e positiva relación de ambos territorios no marco da Eurorexión Galiza-Norte de Portugal.
Esta lamentábel decisión, que se suma á imposición de peaxes na autovía portuguesa A-28, impedirá desprazarse desde o noso país até Porto nun medio de transporte económico, cómodo e sustentábel ambientalmente. É por iso que desde o movemento veciñal vigués suma a súa voz á demanda social do mantemento desta liña férrea.
En consecuencia, a Federación Veciñal de Vigo demanda tanto da Xunta de Galicia como do Ministerio de Fomento que impulsen con axilidade as medidas que for preciso para garantir o mantemento deste servizo.
Desde a FAVEC denúnciase tamén que esta situación enmárcase dentro dunha problemática xeral derivada da falta de apoio efectivo ao transporte ferroviario en Galiza, e nese senso demandan un maior compromiso cos camiños de ferro como elemento indispensábel para a mellor vertebración territorial do noso país.
A Comisión Permanente.