A lei de asociacións 1/2002 do 26 de marzo obriga ás asociacións veciñais a levar a contabilidade segundo o Plan Xeral Contable, e establece que as contas teñen que reflectir fielmente o estado da asociación. É dicir, que botando un ollo a o estado de contas debemos coñecer cal é a actividade da asociación.

É a contabilidade a que moitas veces supón unha traba na xestión de moitas entidades, xa que a carga de traballo que isto supón faise dura e difícil de asumir polos responsables das asociacións. Por iso a FAVEC deseñou un plan contable que combina a formación específica coa titorización e seguimento de cada caso de forma individualizada.

O primeiro foi apuntar os conceptos básicos e xa agora temos en marcha, (durante todo un ano), un auténtico programa contable adaptado ás asociacións para facilitar o proceso de adaptación da contabilidade ao Plan Xeral Contable adaptado ás entidades non lucrativas de 1998.

Obxectivos

• Facilitar a adaptación da contabilidade das asociacións á lexislación vixente.
• Optimizar os recursos existentes.
• Formar aos directivos en contabilidade para asociacións.