D. ALBERTO NÚÑEZ FEIJOO, SR. PRESIDENTE DA XUNTA DE GALIZA

O acordo do Consello Interterritorial de Saúde do día 18 de abril de 2012 referendado posteriormente no Consello de Ministros do venres 20 de abril produce o retroceso máis importante do sistema sanitario español desde a promulgación da Lei Xeral de Sanidade.

Os argumentos desta política regresiva expostos na nota de prensa do propio Ministerio de Sanidade non teñen fundamento empírico nin racional. É unha liña de comunicación constante do Partido Popular, do goberno galego e do goberno central o argumento de que non hai outra alternativa, e de  que con estes recortes garántese ‘o futuro’, pero o certo é que son políticas fracasadas que se reiteran unha e outra vez obtendo os mesmos resultados tal como se pode ver en Galiza, España e outros estados como Grecia ou Portugal ou Irlanda. Si temos a garantía de ir de recorte en recorte ata o seguinte tiro dos mercados.

O novo copago farmacéutico introducido polo PP e o Goberno, facendo pagar aos pensionistas e incrementando o pago aos/ás traballadores/as activos/as, é unha decisión política especialmente regresiva para a poboación galega. O goberno da Xunta de Galicia e especialmente o seu Presidente deberían opoñerse con rotundidade.

A Plataforma galega pola defensa da sanidade pública “SOS sanidade Pública” considera que:

1. O sistema sanitario público é de gran calidade, eficaz e eficiente.  É perfectamente sostible e non está en situación de quebra. O gasto sanitario público español en relación co PIB está por debaixo dos estados do noso entorno, polo que dificilmente se pode responsabilizar á sanidade da débeda pública. Por outra banda o déficit do sistema débese ao baixo financiamento co que se está presupostando e a políticas de privatización como as de financiamento público-privado que supoñen un negocio privado e unha redución de orzamento público sanitario dispoñible.
2. O novo copago a pensionistas xunto co incremento do pago aos traballadores activos é un imposto á enfermidade e unha ameaza para accesibilidade aos servizos que pode producir empeoramento da saúde a persoas de renda baixa. O copago a pensionistas é unha rebaixa das pensións xa que este grupo de poboación é o máximo receptor de medicamentos e a pensión media galega é a máis baixa de todo o estado español. Váiselle cobrar un mínimo de 8 euros cada mes en Galiza (últimos datos do Ministerio, a 1 de febreiro de 2009) a 686.705 persoas con incapacidade permanente, pensión de xubilación e de viuvez. Somos os máis prexudicados.
3. As competencias en sanidade son das Comunidades Autónomas polo que supón unha invasión de competencias por parte do goberno central que o goberno galego non debería admitir.
4. Falta por ver a repercusión económica real destas medidas xa que a súa implementación obriga a uns custes de organización e estruturais importantes. E descoñecemos neste momento o alcance da reforma e introdución de copago xa anunciado polas prestacións complementarias (dietoterapia, osixenoterapia, ortopróteses e transporte programado) así como polas accesorias.
5. A única forma de facer realmente progresiva a achega da cidadanía ao sostemento do sistema sanitario é adaptando os ingresos por impostos ás necesidades financeiras do sistema e facendo que pague máis quen máis teña, se reduza o fraude fiscal e non se apliquen medidas de amnistía fiscal como as deste goberno. O resto é un imposto á enfermidade e un premio aos defraudadores.

Por estes motivos pedimos a D. Alberto Núñez Feijoo que actúe coa responsabilidade que se espera de quen é Presidente dos galegos e galegas e non aplique estes recortes en Galiza, facendo valer as competencias que en sanidade tén a Xunta de Galiza.

Reciba un saúdo

Santiago, a 25 de abril de 2012

Doutra banda o crecemento do gasto sanitario ten pouco que ver coa demanda de asistencia da poboación que está relacionado coa organización, funcionamento e orientación do sistema; coa falta de planificación; coa descoordinación entre hospitais e atención primaria; co abuso das tecnoloxías diagnósticas e terapéuticas (un 23% máis alto que a media europea) e da prescrición farmacolóxica; coa parasitación do sector público polo privado; e co abandono da atención primaria, da promoción da saúde e da prevención da enfermidade.
.

Despois de que a Xunta de Galicia reducira o orzamentario en 300 millóns o Goberno central pretende que fagamos máis recortes para cumprir co seu obxectivo de reducir o gasto sanitario en 7.000 millóns de euros, a concretar no Consello Interterritorial do próximo día 18 de abril cos conselleiros dos servizos de saúde autonómicos.
.

Entre as medidas que se están aplicando ou adiantado, a modo de globos sondas, polos responsables de algunhas CCAA e polos ministros de economía e sanidade están:
.

• Incrementar o copago farmacéutico segundo nivel de renda.
• Acabar coa gratuidade das receitas dos pensionistas.
• Copago por consultas e probas diagnósticas.
• Recorte da carteira servizos ofertados pola sanidade pública.
• Promoción de seguros complementarios con desgravacións fiscais.
• Colaboración Público Privada para construír e xestionar as novas infraestruturas.
• Privatización de servizos sanitarios (radioloxía, laboratorios; servizos clínicos..) e non sanitarios (administración, centrais de chamadas, alimentación, limpeza, hixiene, informáticas, avaliación tecnolóxica, planificación, centrais de compras, etc.)
• Eliminar fondos de cohesión interterritorial.
• Peche de servizos sanitarios: Hospitais e plantas, urxencias, centros de de Saúde e consultorios.
• Eliminar a actividade asistencial dos hospitais pola tarde.
• Redución de persoal e de gastos de persoal: Xubilacións obrigatorias aos 65 anos sen reposición das vacantes, despedimento ou redución do horario do persoal interino, precarización de contratos, redución salarial, laboralización, etc.

.

A gran maioría destas medidas atentan contra os alicerces fundamentais do noso sistema sanitario como son a universalidade, a accesibilidade, a equidade, o carácter redistributivo, a calidade e a eficiencia, e terán graves consecuencias para a maioría da poboación que recibirá unha atención de menor calidade, e terá dificultado o seu acceso á asistencia que será diferente segundo o seu nivel de renda, pagará máis por menos e deberá procurarse seguros complementarios para ser atendido polos problemas de saúde excluídos do sistema público.
.

Fronte á política de recortes e privatizacións é posible outra, baseada na mellora da eficiencia e o uso racional dos recursos,  para mellorar a calidade e seguridade da atención sanitaria e os niveis de saúde da cidadanía:
.

.

Queremos advertir ao presidente da Xunta de Galicia Sr Núñez Feijoo que non imos tolerar que o Consello Interterritorial adopte decisións ou medidas que deterioren ou privaticen o noso sistema sanitario que ten o apoio da grande maioría da poboación e esiximos á Conselleira de Sanidade Rocío Mosquera que defenda o carácter público da nosa sanidade, que se opoña a calquera medida de copago, e que se manteñan os fondos de cohesión interterritorial que compensan a nosa menor capacidade de recadar os impostos que financian a sanidade pública galega
.

Desde SOS Sanidade Pública facemos un chamamento á cidadanía galega para dar unha resposta contundente no caso de que o Consello Interterritorial do día 18 de abril adopte calquera medida que deteriore, aínda máis, o Sistema Sanitario Público Galego.
.

SOS Sanidade Pública

Santiago, 17 de abril de 2012

Doutra banda o crecemento do gasto sanitario ten pouco que ver coa demanda de asistencia da poboación que está relacionado coa organización, funcionamento e orientación do sistema; coa falta de planificación; coa descoordinación entre hospitais e atención primaria; co abuso das tecnoloxías diagnósticas e terapéuticas (un 23% máis alto que a media europea) e da prescrición farmacolóxica; coa parasitación do sector público polo privado; e co abandono da atención primaria, da promoción da saúde e da prevención da enfermidade.
.

Despois de que a Xunta de Galicia reducira o orzamentario en 300 millóns o Goberno central pretende que fagamos máis recortes para cumprir co seu obxectivo de reducir o gasto sanitario en 7.000 millóns de euros, a concretar no Consello Interterritorial do próximo día 18 de abril cos conselleiros dos servizos de saúde autonómicos.
.

Entre as medidas que se están aplicando ou adiantado, a modo de globos sondas, polos responsables de algunhas CCAA e polos ministros de economía e sanidade están:
.

• Incrementar o copago farmacéutico segundo nivel de renda.
• Acabar coa gratuidade das receitas dos pensionistas.
• Copago por consultas e probas diagnósticas.
• Recorte da carteira servizos ofertados pola sanidade pública.
• Promoción de seguros complementarios con desgravacións fiscais.
• Colaboración Público Privada para construír e xestionar as novas infraestruturas.
• Privatización de servizos sanitarios (radioloxía, laboratorios; servizos clínicos..) e non sanitarios (administración, centrais de chamadas, alimentación, limpeza, hixiene, informáticas, avaliación tecnolóxica, planificación, centrais de compras, etc.)
• Eliminar fondos de cohesión interterritorial.
• Peche de servizos sanitarios: Hospitais e plantas, urxencias, centros de de Saúde e consultorios.
• Eliminar a actividade asistencial dos hospitais pola tarde.
• Redución de persoal e de gastos de persoal: Xubilacións obrigatorias aos 65 anos sen reposición das vacantes, despedimento ou redución do horario do persoal interino, precarización de contratos, redución salarial, laboralización, etc.

.

A gran maioría destas medidas atentan contra os alicerces fundamentais do noso sistema sanitario como son a universalidade, a accesibilidade, a equidade, o carácter redistributivo, a calidade e a eficiencia, e terán graves consecuencias para a maioría da poboación que recibirá unha atención de menor calidade, e terá dificultado o seu acceso á asistencia que será diferente segundo o seu nivel de renda, pagará máis por menos e deberá procurarse seguros complementarios para ser atendido polos problemas de saúde excluídos do sistema público.
.

Fronte á política de recortes e privatizacións é posible outra, baseada na mellora da eficiencia e o uso racional dos recursos,  para mellorar a calidade e seguridade da atención sanitaria e os niveis de saúde da cidadanía:
.

.

Queremos advertir ao presidente da Xunta de Galicia Sr Núñez Feijoo que non imos tolerar que o Consello Interterritorial adopte decisións ou medidas que deterioren ou privaticen o noso sistema sanitario que ten o apoio da grande maioría da poboación e esiximos á Conselleira de Sanidade Rocío Mosquera que defenda o carácter público da nosa sanidade, que se opoña a calquera medida de copago, e que se manteñan os fondos de cohesión interterritorial que compensan a nosa menor capacidade de recadar os impostos que financian a sanidade pública galega
.

Desde SOS Sanidade Pública facemos un chamamento á cidadanía galega para dar unha resposta contundente no caso de que o Consello Interterritorial do día 18 de abril adopte calquera medida que deteriore, aínda máis, o Sistema Sanitario Público Galego.
.

SOS Sanidade Pública

Santiago, 17 de abril de 2012

Mañá día 18 de abril a Plataforma para a Defensa da Sanidade Pública de Vigo presentará ao Grupo Municipal do BNG no Concello de Vigo a proposta de moción que a Plataforma pretende que se debata e aprobe sobre os problemas de financiamento e de infraestruturas do Novo Hospital de Vigo.

A Plataforma considera que os cambios no proxecto supón a privatización de facto deste centro que ademais sufrirá importantes recortes en camas, recortes e servizos.

Doutra banda a ausencia total de información sobre os plans da Consellería fan sospeitar graves problemas de financiamento que explican a paralización da obra e a utilización dos alcaldes do PP da área para encubrir o problema.

A presentación irá acompañada de rolda de prensa e celebrarse nas oficinas do grupo Municipal do BNG na Planta 8ª do Concello de Vigo ás 11,30 da mañá

Plataforma en Defensa da Sanidade Pública da área de Vigo

SOS Sanidade Pública

Vigo, 17 de abril de 2012

M E S A  R E D O N D A

RECORTES ORZAMENTARIOS NA SANIDADE

Relatores:

José M. Piñeiro Somoza

Coordinador Provincial da Comisión de Sanidade do PP de Lugo

José L. Díaz López

Secretario de Sanidade da Executiva Provincial do PSdeG de Lugo

Ana L. Bouza Santiago

Portavoz do BNG na Comisión de Sanidade do Parlamento Galego

Ramón Vázquez

Responsable da Área de Servicios Públicos de Esquerda Unida

Un representante do Movemento 15M

Modera:

Zita Méndez Fernández

Médico de família do Centro de Saúde de Fingoi

Lugar: Salón de actos da Deputación Provincial

Día: 19 de Abril de 2012

Hora: 20 horas

Plataforma pola Defensa da Sanidade Pública. Lugo

Nestes últimos días estamos a asistir a toda unha posta en escea do PP arredor das obras do futuro hospital de Vigo cun dobre obxectivo:

• ocultar á opinión pública a pretensión da Xunta de Galicia de que o Concello de Vigo pague  con cartos públicos a urbanización  a un grupo privado que vai a lucrarse a conta da saúde de todos nós
• agachar a súa responsabilidade nos retrasos na execución da obra e a posible paralización debido a difícil situación económica pola que atravesan as entidades financieiras (bancos e caixas) que a promoven, acusando  aos que sempre defendemos un gran hospital público e nos opuxemos a súa privatización

Un dos actos desta obra do xénero burlesco tivo lugar o pasado 3 de abril, cando trece  alcaldes da nosa área sanitaria pertencentes ao Partido Popular xuntáronse en Vigo, no barrio de Valadares, para "reivindicar" un Novo Hospital recortado que terá 400 camas menos das que estaban previstas inicialmente; un centro hospitalario construído coa iniciativa privada e que obrigará aos orzamentos públicos, intervidos "de facto" pola Europa dos banqueiros, a facer fronte durante 20 anos a uns cánones impagables as empresas construtoras.

Hai que apuntar que, xa con anterioridade, nos prolegómenos da comedia, o número 1 do PP en Vigo, Chema Figueroa, tiña mostrado o seu apoio á ampliación de POVISA, outra empresa privada que pretende con cartos públicos montar 100 camas máis que se unirían ás que neste momento lle empresta ao SERGAS.

Estas actuacións encaixan perfectamente, pois sabemos que quen dirixe toda a representación desde as bambalinas é a Conselleira de Sanidade, xerente do Hospital NªSª de la Esperanza en Santiago pertencente ao grupo empresarial de POVISA, antes de meterse a política.

Como artistas invitados tamén asumen un papel destacado o actual Conselleiro de Medio Ambiente, Agustín Hernández, vinculado anteriormente a "Puentes y Calzadas", unha das empresas concesionarias do Novo Hospital de Vigo ou Telmo Martín, deputado no Congreso polo Partido Popular e candidato frustrado á alcaldía da cidade de Pontevedra, administrador único de "Hierros Santacruz", empresa que traballa como subcontratada tamén nas obras de Valadares, sen esquecer ao ministro de Lehman Brothers, Guindos, que antes de formar parte do goberno de Rajoy fora xefe de servizos financieiros de PwC, a consultora contratada para a adxudicación do Novo Hospital de Vigo.

O final de toda esta posta en escena resulta indignante: un fato de rexedores municipais do Val Miñor e do Morrazo acaban dando o apoio a unhas medidas que van deixar aos seus veciños e veciñas do Morrazo sen posibilidade de acceder ao Novo Hospital de Vigo recortado xa que van quedar definitivamente encadeados á remozada e ampliada POVISA.

Diante desta situación as Plataformas asinantes darán os pasos necesarios para que os alcaldes dean unha explicación dun comportamento tan esperpéntico no municipio veciño, o cal, desgrazadamente contrasta coa desidia e desinterese nos seus propios concellos fronte á Xunta de Galicia para que impulse o Centro de Alta Resolución do Morrazo, por exemplo.

O Morrazo, 12 de abril de 2.012

Plataforma en Defensa da Sanidade Pública de Moaña

Plataforma en Defensa da Sanidade Pública de Cangas