A FAVEC mostra todo o seu apoio ás reivindicacións dos traballadores dos centros sanitarios e asistenciais públicos de Vigo: Xeral, Meixoeiro, CÃes, Rebullón e os centros de especialidades da Dobrada e Coia.
Na liña de defensa expresada pola Federación Veciñal a través da Plataforma pola Defensa da Sanidade Pública da que forma parte, a FAVEC mostra a súa preocupación pola intención de privatizar os servizos non asistenciais do novo hospital de Vigo e outros que neste momento se prestan nos hospitais públicos existentes.
Os servizos non asistenciais públicos que funcionan na actualidade nos distintos centros sanitarios de Vigo funcionan cunha gran calidade e eficiencia. Non entendemos a intención amosada pola actual consellarÃa de privatizar uns servizos no novo hospital, que funcionan como públicos na actualidade no conxunto hospitalario e sanitario de Vigo.
A FAVEC mostra polo tanto o seu máis rotundo apoio e reivindicación para que os servizos non asistenciais do novo hospital de Beade-Valadares sexan completamente públicos.
Por parte da FAVEC, na manifestación estivo presente a responsable de sanidade da Federeción Veciñal e representante veciñal na Plataforma pola Defensa da Sanidade Pública, Dolores Casariego, acompañada de varias asociacions.